D'entre ras benas y ras barzas d'a marguin pazina surte ista floreta, una primabera (Hepatica nobilis) de color lila amparata por bel par de fuellas berdas con trazas de figado. Tiene fama de ser a flor que trenca os fredos de l'ibierno, cuan o sol ya dondía por os pacos y a nieu se mete grasa y se ba desfendo. O mayenco crexe, a pleret; l'augua blinca por toz os barranquez d'a selba, entre ros pins y ros faus. Os paxarez fan un poder cantando por enzima d'o barambán acuatico. O sol pica entre guambras y mosqueras, y, cuan sales ta ra tasca, enluzerna.
